Euskal Herriko Emakumeen Mundu Martxak, CEAR-Euskadik, Ongi Etorri Errefuxiatuak, Calalak, eta Mugarik Gabek Mesoamerikan Giza Eskubideak defendatzen dituzten emakumeen kriminalizazio eta jazarpena eta honi aurre egiteko erabiltzen ari diren estrategiak ezagutzera emateko mahai ingurua antolatu dugu.
Jardunaldi hauen bitartez indarkeria matxisten alorreko legedia aztertu eta proposamenak egin nahi izan genituen, Latinoamerika, estatuko eta Euskal Herriko mugimendu feministaren ikasketa eta ekarpena jasoz. Hemen jasotzen dira jardunaldietako aurkezpen eta bideoak.
"Giza Eskubideak Ez dute Mugarik" kanpainaren baitan aurrera eramandako ekintzen artean, hona hemen Bakea Eraikitzen duten emakume protagonisten bi testigantza Kolonbiako Ruta Pacífica de las Mujeres eta Euskal Herriko Emagune ekimenak aurkeztuz
Elkarte desberdinek indarkeria matxistaren biktima eta biziraun duten emakumeen memoriaren eta jendartean horrelako ekimenak zabaltzearen garrantziaz hitz egiten dute.
2014 eta 2015 urteetan zehar estatuko beste elkarte batzuekin batera sarean lan egin genuen indarkeria matxisten inguruko analisi kualitatibo bat partekatu eta elkarrekin lan eginez eragin gehiago izateko aukerak aztertuz. Prozesu guztiaren sintesi dokumentua partekatzen dugu (Jardunaldiei buruzko bideoak jardunaldien atalean ikus daitezke).
Jardunaldi honetan elkarte desberdinek parte hartu zuten, indarkeria matxisten kontrako borrokan analisi intersekzional bat txertatzearen beharraren inguruan hausnartu eta eztabaidatzeko. Hemen aurkitu daiteke sintesi dokumentua.
Tribunal sinboliko hau elkarte feminista eta sozial desberdinekin elkarlanean egindako prozesuaren emaitza izan zen. Bertan jendarte desorekan jatorri duten indarkeria matxistak giza eskubideen urraketa gisa bistaratu ziren, Euskal Herriko, estatuko eta Latinoamerikako testigantzak aurkeztuz.
Emakumeen eskubideen aldako tribunalak, jendarte zibilak sustatu eta antolatzen dituen izaera sinbolikodun duten ekitaldiak dira, emakumeen kontrako indarkeria bistaratu eta hauen inpunitatea salatzeko asmoz.
Jardunaldien bitartez zenbait helburu erdietsi nahi genituen, besteak beste: generoen arteko des-berdintasunak eragiten dituzten ereduak eta arrazoiak aztertzea; indarkeriaren adierazpide-moduen aniztasuna erakustea, orain arte gutxien landu direnetan —indarkeria sinbolikoan, kasu— arreta jarriz; tokiko, estatuko eta nazioarteko mugimendu feministaren salaketak, erantzunak eta alternatibak ezagutaraztea eta, azkenik, tailerretan aztertutako indarkeria-egoerei alternatibak [...]
